авг 30 2010
Вечер во Битола….
Бизарна Магија – Дома на култура – мала сала
почеток во 21:00 (30.08.2010)
авг 27 2010
Вадимир Ѓорчев – Од кошарката до победите, преку салите и песните
Имаме конкретни и видливи резултати. Некој упорно и со нихилизам се обидува сето ова да го негира. Но, останува фактот дека се создадени многу дела. Денешните критичари имаа можност да создаваат, но ништо не направија. Критизерството ќе помине, но делата ќе останат.
Дали ги забележуваме добрите работи? Дали на подобрувањата веднаш се навикнуваме? Дали премногу брзо ги забораваме деновите кога некои работи биле полоши?
И, како последица на тоа, повеќе се зборува за работите кои се проблематични, на тоа што недостига, на тоа што треба да се поправи. Помалку се забележуваат делата и проектите кои се одвиваат пред нашите очи. Доволно е да се направи пресек на повеќе работи во последниов месец и заклучоците самите се наметнуваат.
Прво, гледавме кошарка, победивме и ја бодревме Македонија. Дури 8.000 гледачи пулсираа за Македонија. Но, ќе беше поинаку ако не се изградеше салата „Борис Трајковски“ во 2008 година. Наместо 8.000, ќе го имавме Расадник со 2.000 гледачи или МЗТ со 1.500 гледачи. Само после 2 години, се гледа дека на Скопје му беше потреба салата која многумина претходно не сакаа или не можеа да ја изградат.
Второ, целата атмосфера ја загреаја песните кои 8.000 грла ги знаеја напамет. Во еден момент тоа беше „Македонија навива за вас“ на најголемата легенда Тоше, во друг момент навивачката песна на „Дени те чува“, а на крајот дојде „Едно име имаме“ во преработка на Калиопи. Сите тие песни беа снимени како проект на Агенцијата за млади и спорт во 2007 и 2008 година. Денес се гледа дека овие песни ќе живеат вечно, дека со тие ноти нашите спортисти добиваат дополнителен мотив, а публиката од срце ги пее песните кои се полни со љубов кон Македонија.
Трето, се завршува изградбата на големата гасна централа во населбата Керамидница. Се работи за инвестиција од 150 милиони евра, а електраната ќе произведува дури 30 проценти од досегашното производство на струја во земјата и 60 проценти од сегашното производство на топлинска енергија во Скопје. Македонија добива технологија како најразвиените земји каква што нема на Балканот, а таму веќе работат 40 инженери. Ќе се зголеми искористеноста на гасот кој не загадува, а во воздухот ќе има 650.000 тони помалку јаглероден диоксид годишно. Централата ќе почне да работи во октомври оваа година.
Четврто, при крајот е проширувањето на улицата „Илинденска“. Наместо тесна улица која секогаш беше закрчена со колони возила, Скопје ќе добие нов булевар. Секој Скопјанец, секој ден поминува барем половина час на семафори, на улица и во колони. Секоја година има се’ повеќе возила, а улиците се исти. Време беше Скопје да добие нов булевар, а сообраќајот барем малку да се подобри.
Петто, кај Народна банка за 4 дена ќе се отвори најсовремениот трговски центар во Македонија. Се работи за огромен објект на Веро, а во изградбата учествуваа стотици градежни работници од Македонија. Владата на ВМРО-ДПМНЕ го продаде земјиштето за 510 евра за метар квадратен, а Владата на СДСМ го даде земјиштето кај Рамстор за 25 евра. Владата на Груевски организираше јавна лицитација и вкнижи 8.000.000 евра, а Владата на Бранко Црвенковски направи спогодба во 4 очи и инкасираше 496.000 евра.
Шесто, деновиве можеме да го видиме разубавувањето на Скопје со гемиџиите и лавовите кај мостот „Гоце Делчев“. Главниот град ги добива контурите кои ги заслужува, а овие уметнички дела ќе им останат на наредните генерации кои ќе се гордеат со нив. Ги оспоруваа Плаошник и Крстот на Водно, но денес тоа се симболите на Охрид и Скопје.
Седмо, ја имавме вчерашната 100-годишнина од раѓањето на Мајка Тереза. Пред 2 години градот доби спомен куќа која многумина ја критикуваа, но денес е најпосетениот објект во Скопје од странските туристи. Критиките поминаа, но остана спомен – куќата како дело кое ќе потсетува на делата на најпознатата Скопјенка која имаше големо срце и верба во Бога.
Осмо, доволно е да се погледне податокот дека во последниве неколку месеци во Македонија се увезени повеќе од 20.000 половни возила. Целиот проект трпеше огромни критики, но огромен број на граѓани прв пат дојдоа до возила или си ги заменија возилата со понови.
Деветто, да се потсетиме на гостувањето на Ливерпул пред еден месец. Го дочекавме Ливерпул со полн стадион, во прекрасна атмосфера и се трибини односно стадион каков што треба да има една држава. Македонија добива репрезентативен објект за наредните 50 години, а беше ангажирана голема домашна градежна оператива.
Десетто, летово рекорден број на граѓани беа во посета на странство. Конечно немаше долги колони пред амбасадите и чекање на 40 целзиусови степени. МВР, МНР, СЕП Собранието и останатите институции ги исполнија условите, а граѓаните добија слободно движење во ЕУ.
Ете, тоа се конкретни и видливи резултати. Некој упорно и со нихилизам се обидува сето ова да го негира. Секако, во овие успеси се вградени и приватниот сектор, уметниците, спортистите, претпријатијата… Но, останува фактот дека се создадени многу дела кои ако не постоеја, Владата ќе беше повикана на одговорност. Денешните критичари имаа можност да создаваат, но ништо не направија. Критизерството ќе помине, но делата ќе останат.
Извор: Шпиц
авг 25 2010
Промоција на Н.М.А.М. во Битола
Период 28 – 30 август
Краток предговор
НМАМ стои за Нова Македонска Асоцијација на Магионичари чија цел е да го промовира Илузионизмот во Македонија преку нејзините активности. За таа цел таа ја организира својата промоција во Битола која ке ја проследи следната програма:
- Утринско кафе на Широк Сокак со најдобрите Иузионисти
- Работилници и предавања
- Главен настан “Сценскa Илузија”
- Бизарна Магија, симулација на паранормалности
- Прес конференција
- Настап на Аcid Triple
- Ноќ во ПОЗИТИВ со најдобрите илузионисти во Македонија
Временска табела на настани :
28.08.2010
13:00 – 16:00 Утринско kафе на широк сокак со Илузионистите
23:00 – 03:00 After party – off програма
29.08.2010
12:30 – 13:30 ГЛАВЕН ПРЕС – мала сала
14:00 – 16:00 Работилница 1 форум предавање – мала сала
17:00 – 19:00 Работилница 2 практичен дел – алтернативна сцена
21:00 – 01:00 Рап на сцена, бит бох и XCM – Олимпсики базен
01:00 - 03:00 Dj – Set (Dj Serif, Dj Boro, K/Petrovsky)
Acid Triple – fire magic – Fire Walk + ноќно капење
30.08.2010
Предлог
15:00 - 18:00 – Снимање на видео – промо видео на НМАМ
21:00 – 22:00 – Бизарна магија
23:00 – 12:00 – интервју со пишани медиуми (списанија , весници , онлајн магазин ) POZITIV
12:00 – 03:00 POZITIV вечер со Илузионисти
1. Утринско кафе на Широк Сокак со Илузионисти
Во овај дел за самата промоција на Н.М.А.М ќе се настапи во 6 локали сите поставени на главната улица за пешаци во Битола – Широк Сокак. Во времетраењето предвидено за овај настап во кафичите ротационо ќе настапат сите илузионисти присутни. На таков начин на публиката дирекно ќе и се презентрира каков тип на настап моментално нудиме, ќе се изврши и подобро запознавање на менаџерскиот тим на кафичите со тоа што го работиме и пристапување со нив кон понатамошна соработка.
Листа на кафичи:
2. Работилниците и предавањата ќе се одвиваата на следниот принципп Предавањето во првиод дел ќе ја едуција публиката за тоа што е Илузија и како треба таа да се прифаќа. Затоа се предвидени следните теми на дискусија во вториот дел :
- Историјата на Илузионизмот – со постанокот на ритуалите
- Современиот Илузионист и Мерлин – имаат ли допирни точки
- Илузијата порано и денес
- Илузионизмот во Македонија и неговото развивање
3. Главен настан Сценска магија
Главниот настан ќе се одвива во Домот на Културата , мала сала. Тоа подразбира настап со сценски илузии од кои , Snow Storm, Glass walk, Electric Light, D’ Light, и останати слични ефекти.
4. Бизарна магија – симулација на паранормалности
Совршена сцена за ваков тип на настап , каде што се врши илузија на астрална хирургија, ментализам, Стигмата ефекти и Exorcism се ефекти кои ја презентираат бизарната магија.
5. Прес конференција – која ќе се одржи во главната мала сала во Домот на Културата на кој што ќе присуствуваат сите медиуми заинтересирани за нас. Темата на разговор треба да биде НМАМ од Организационен аспект , лица одговорни за организацијата, начин на пристапување , нејзини идни планови и прашања од новинарите.
7. Настап во POZITIV со Илузионисти
Слободен настап проследен од максимална медиумска покриеност. Запознавање на гостите со она што го работиме и она што го работи НМАМ.
авг 09 2010
Постхумно објавена книгата „Конзерва на калдрма“ од Неџад Мемиќ
„Конзерва на калдрма“ е насловот на единственото литературно дело на новинарот Неџад Мемиќ. Драмскиот текст објавен постхумно ја воспева човечката толеранција преку сликите и ликовите од старата скопска чаршија – метафора за различностите и соживотот.
- Неџад Мемиќ остави скромен дел од себе со овој драмски текст. Но доследен на својот животен приоритет, пораките низ човештвото да се пренесуваат преку луѓето, сите свои бесценети животни мудрости му ги пренесе на девојчето со сини очи, кое иако многу малечко, добро знае дека луѓето се добри или лоши, дека богатството човек го носи во срцето, а не во џебот и дека единствениот разбирлив јазик на светот е јазикот на љубовта. „Конезрва на калдрма“, сепак, е животната посвета на Неџад Мемиќ за својата ќерка Мирна, пишува во поговорот на книгата, која е објавена на иницијатива на неговите долгогодишни пријатели. Тие ја реализираа идејата на Мемиќ, зашто ракописот му беше готов и пред печатење.
Неџад Мемиќ (1971-2009) беше дипломиран професор по филозофија, а новинарството му беше професија. Работеше во неколку медиуми и автор на бројни прилози од областа на културата, создадени во негов препознатлив стил.
kimi