кликнете тука за да го видите видеото

Значи во услови на снег, кога цела држава е завеана и кога сообраќајот се движи со брзина на сообраќај кој се движи во услови на снег т.е. многу полека, ги замолувам сите учесници да го имаат во предвит отежнатото движење по улиците и булеварите и ако може да излезат од дома едно десетина минути порано, бидејќи со свирките и со нервозното возење нема да постигнат ништо, освен стрес и кај останатите учесници во сообраќајот.

Имено јас сум многу голем љубител на снегот, а верувам вакви како мене има уште неколку. Јас како љубител на снегот многу сакам да пешачам и да го чуствувам снегот под чевлите, надвор се е така убаво, мирно, тивко и споро, освен пар нервозни возачи кои ја рематат сета таа атмосфера со своите свирки на автомобилите. Навистина е непријатно кога некој заборавил дека по снег неможе да вози како Шумахер само затоа што брза на работа… значи 10 минути не му влијаат многу на животните навики, а на мене на пример ми го крши човечкото право да уживам во снегот… се на се неколку дена во годината…мислам дека не барам многу, нели?

Би можеле на пример да се качат на автобус и без никакви нервози да стигнат таму каде што тргнале, верувајте многу побрзо и посигурно ќе стигнат таму каде што намериле.

А што се однесува до пензионерите, нив би ги замолила денес, ако може да се откажат од правото на возење беспари во автобус, не затоа што прават гужва, туку затоа што може да паднат и да си напраат беља, потоа покрај нив реперкусии ќе трпат и нивните деца носејќи ги по болници, тоа само по себе значи дека и во болниците ќе се направат гужви. Затоа мислам дека ако еден ден апстинираат и  не одат на пазар, нема да им ги смени тековните навики.

Ви благодарам …:)

кликнете тука за да го видите видеото

Што всушност  преставува времето, и за што постои времето, што се` можеме да направиме со времето, кој го измисли?

Времето е пари?

Времето всушност е непостоечко, тоа е само систем составен од човекот за поефикасно да функционира во општеството, да направи пари, да ужива во животот… хм… сепак, дали времето Е пари?

кликнете тука за да го видите видеото

Празници се ближат…празници се ближат…

А надвор ко да се спрема потоп, луѓево ко да полуделе…ПАК…секоја година ова време, deja vu, главна тема на муабет е – Каде за Нова Година?

Во продавница човек неможе да влезе да си купи основни намирници…наполнети колички со храна, пијачки, во колони чекаат на каса…залихи ко за два ипол месеци…аааа, само еден ден не се работи и тоа на Први Јануари, недела….сеа поместено за понеделник, arbeit macht frei, па се по старо ко ништо да не било.

По бутици испишани реклами за огромни попусти??? На што? Истата роба ги имаше овие цени и пред месец ипол, а луѓево ко да полуделе … ПАК…купуваат ли купуваат како после утре, да нема да постои светот, навистина имам чувство дека деновиве (секој пат пред Нова Година) луѓево се спремаат за нешто многу страшно…нешто што ќе трае и трае…а ќе трае само пар дена, после тие неколку дневни залихи (во обични месеци тоа се одприлика двомесечни залихи на храна)…цел месец ќе кукаат како многу се потрошиле за празниците, а  после празниците колку многу тоалетна хартија потрошиле  (факт е дека на втори јануар тоа е најпродаван продукт).

Во Новата 2012, како и сите предходни не очекувам ништо посебно да се смени освен  една бројка повеќе, една година постари….Не ја очекувам со спектакуларен дочек (на кој ли му текна слоганов)…вечер ко вечер, само што од тераса ќе гледам голем огномет!

Но секако на оние кои многу му се радуваат овој ден да им посакам убав помин вечерва (ја сепак за утре ја поместувам журката) … многу здравје, љубов и среќа  во Новата 2012 (11111011100)…

кликнете тука за да го видите видеото